Today's top 5 Urdu Shayari

safar meñ aise ka.ī marhale bhī aate haiñ

har ek moḌ pe kuchh log chhūT jaate haiñ

safar mein aise kai marhale bhi aate hain

har ek moD pe kuchh log chhuT jate hain

maiñ zindagī ke sabhī ġham bhulā.e baiThā huuñ

tumhāre ishq se kitnī mujhe sahūlat hai

main zindagi ke sabhi gham bhulae baiTha hun

tumhaare ishq se kitni mujhe sahulat hai

maiñ sochtā huuñ mujhe intizār kis kā hai

kivāḌ raat ko ghar kā agar khulā rah jaa.e

main sochta hun mujhe intizar kis ka hai

kiwaD raat ko ghar ka agar khula rah jae

baaqī hai ab bhī tark-e-tamannā kī aarzū

kyūñkar kahūñ ki koī tamannā nahīñ mujhe

baqi hai ab bhi tark-e-tamanna ki aarzu

kyunkar kahun ki koi tamanna nahin mujhe

dil bujhne lagā ātish-e-ruḳhsār ke hote

tanhā nazar aate haiñ ġham-e-yār ke hote

dil bujhne laga aatish-e-ruKHsar ke hote

tanha nazar aate hain gham-e-yar ke hote