Today's top 5 Urdu Shayari

kuchh ta.alluq bhī nahīñ rasm-e-jahāñ se aage

us se rishta bhī rahā vahm o gumāñ se aage

kuchh talluq bhi nahin rasm-e-jahan se aage

us se rishta bhi raha wahm o guman se aage

bas ik jhijak hai yahī hāl-e-dil sunāne meñ

ki terā zikr bhī aa.egā is fasāne meñ

bas ek jhijak hai yahi haal-e-dil sunane mein

ki tera zikr bhi aaega is fasane mein

dil se niklegī na mar kar bhī vatan kī ulfat

merī miTTī se bhī ḳhushbū-e-vafā aa.egī

dil se niklegi na mar kar bhi watan ki ulfat

meri miTTi se bhi KHushbu-e-wafa aaegi

behtar dinoñ kī aas lagāte hue 'habīb'

ham behtarīn din bhī gañvāte chale ga.e

behtar dinon ki aas lagate hue 'habib'

hum behtarin din bhi ganwate chale gae

dānista ham ne apne sabhī ġham chhupā liye

pūchhā kisī ne haal to bas muskurā diye

danista hum ne apne sabhi gham chhupa liye

puchha kisi ne haal to bas muskura diye