Top 5 Urdu Poetry

maiñ talḳhi-e-hayāt se ghabrā ke pī gayā

ġham kī siyāh raat se ghabrā ke pī gayā

main talKHi-e-hayat se ghabra ke pi gaya

gham ki siyah raat se ghabra ke pi gaya

Saghar Siddiqui

ba-nām-e-ishq ik ehsān sā abhī tak hai

vo sāda-lauh hameñ chāhtā abhī tak hai

ba-nam-e-ishq ek ehsan sa abhi tak hai

wo sada-lauh hamein chahta abhi tak hai

Shahram Sarmadi

merā vajūd jazb huā tere jism meñ

ab mujh ko apne jism ke andar talāsh kar

mera wajud jazb hua tere jism mein

ab mujh ko apne jism ke andar talash kar

Aliuddeen Naved

rukā huuñ kis ke vahm meñ mire gumān meñ nahīñ

charāġh jal rahā hai aur koī makān meñ nahīñ

ruka hun kis ke wahm mein mere guman mein nahin

charagh jal raha hai aur koi makan mein nahin

Ghulam Husain Sajid

kabhī mai-kada kabhī but-kada kabhī ka.aba to kabhī ḳhānqāh

ye tirī talab kā junūn thā mujhe kab kisī se lagāv thā

At times taverns, temples times, mosques and times, monasteries

`twas frenzy of my search for you, else when was I attached to these.

kabhi mai-kada kabhi but-kada kabhi kaba to kabhi KHanqah

ye teri talab ka junun tha mujhe kab kisi se lagaw tha

At times taverns, temples times, mosques and times, monasteries

`twas frenzy of my search for you, else when was I attached to these.

Shamim Abbas

Today's top 5 Urdu Shayari