Today's top 5 Urdu Shayari

ye kah rahī hai ishāroñ meñ gardish-e-gardūñ

ki jald ham koī saḳht inqalāb dekheñge

ye kah rahi hai ishaaron mein gardish-e-gardun

ki jald hum koi saKHt inqalab dekhenge

hazāroñ kaam mohabbat meñ haiñ maze ke 'dāġh'

jo log kuchh nahīñ karte kamāl karte haiñ

hazaron kaam mohabbat mein hain maze ke 'dagh'

jo log kuchh nahin karte kamal karte hain

haar jā.egī zindagī lekin

hārne kā nahīñ mirā ye ishq

haar jaegi zindagi lekin

haarne ka nahin mera ye ishq

insāñ ke dil kī ḳhair zamīñ āsmāñ kī ḳhair

har roz gul khilāte haiñ insāñ na.e na.e

insan ke dil ki KHair zamin aasman ki KHair

har roz gul khilate hain insan nae nae

ik zarā teġh-e-nigah ko jo ishārā ho jaa.e

aap kā naam ho aur kaam hamārā ho jaa.e

ek zara tegh-e-nigah ko jo ishaara ho jae

aap ka nam ho aur kaam hamara ho jae