ٹاپ 5 اردو شاعری| ریختہ

اجلی اجلی خواہشوں پر نیند کی چادر نہ ڈال

یاد کے روزن سے کچھ تازہ ہوا بھی آئے گی

افضل منہاس

دل کو بھی غم کا سلیقہ نہ تھا پہلے پہلے

اس کو بھی بھولنا اچھا لگا پہلے پہلے

کشور ناہید

محبت کی سزا ترک محبت

محبت کا یہی انعام بھی ہے

وامق جونپوری

چشم پر نم زلف آشفتہ نگاہیں بے قرار

اس پشیمانی کے صدقہ میں پشیماں ہو گیا

جگر مراد آبادی

تمام شہر کی آنکھوں میں ریزہ ریزہ ہوں

کسی بھی آنکھ سے اٹھتا نہیں مکمل میں

فرحت احساس

آج کے منتخب ۵ شعر