Today's top 5 Urdu Shayari

jo mere gaañv ke khetoñ meñ bhuuk ugne lagī

mire kisānoñ ne shahroñ meñ naukrī kar lī

jo mere ganw ke kheton mein bhuk ugne lagi

mere kisanon ne shahron mein naukri kar li

bhuuk chehroñ pe liye chāñd se pyāre bachche

bechte phirte haiñ galiyoñ meñ ġhubāre bachche

bhuk chehron pe liye chand se pyare bachche

bechte phirte hain galiyon mein ghubare bachche

biich saḌak ik laash paḌī thī aur ye likkhā thā

bhuuk meñ zahrīlī roTī bhī mīThī lagtī hai

bich saDak ek lash paDi thi aur ye likkha tha

bhuk mein zahrili roTi bhi miThi lagti hai

muflisī bhuuk ko shahvat se milā detī hai

gandumī lams meñ hai zā.iqa-e-nān-e-javīñ

muflisi bhuk ko shahwat se mila deti hai

gandumi lams mein hai zaiqa-e-nan-e-jawin

bachchoñ ko bhūke peT sulāne ke baad ham

kaise ġhazal ke sher sunā.eñ jahāñ-panāh

bachchon ko bhuke peT sulane ke baad hum

kaise ghazal ke sher sunaen jahan-panah