Today's top 5 Urdu Shayari

ye rog lagā hai ajab hameñ jo jaan bhī le kar Talā nahīñ

har ek davā be-asar ga.ī har ek duā be-asar huī

ye rog laga hai ajab hamein jo jaan bhi le kar Tala nahin

har ek dawa be-asar gai har ek dua be-asar hui

ye bādal ġham ke mausam ke jo chhaT jaate to achchhā thā

ye phailā.e hue manzar simaT jaate to achchhā thā

ye baadal gham ke mausam ke jo chhaT jate to achchha tha

ye phailae hue manzar simaT jate to achchha tha

vo dard uThā dil meñ ki jis dard kā darmāñ

gar ho na pas-e-lafz to miltā hai sar-e-dār

wo dard uTha dil mein ki jis dard ka darman

gar ho na pas-e-lafz to milta hai sar-e-dar

ham aise log bahut ḳhush-gumān hote haiñ

ye dil zarūr tirā e'tibār kar legā

hum aise log bahut KHush-guman hote hain

ye dil zarur tera e'tibar kar lega

lāzim hai soz-e-ishq kā sho.ala ayaañ na ho

jal bujhiye is tarah se ki mutlaq dhuāñ na ho

lazim hai soz-e-ishq ka shoala ayan na ho

jal bujhiye is tarah se ki mutlaq dhuan na ho