Today's top 5 Urdu Shayari

kahīñ kahīñ se kuchh misre ek-ādh ġhazal kuchh sher

is pūñjī par kitnā shor machā saktā thā maiñ

kahin kahin se kuchh misre ek-adh ghazal kuchh sher

is punji par kitna shor macha sakta tha main

do hī din meñ ye sanam hosh-rubā hote haiñ

kal ke tarshe hue but aaj ḳhudā hote haiñ

do hi din mein ye sanam hosh-ruba hote hain

kal ke tarshe hue but aaj KHuda hote hain

galī ke moḌ se ghar tak añdherā kyuuñ hai 'nizām'

charāġh yaad kā us ne bujhā diyā hogā

gali ke moD se ghar tak andhera kyun hai 'nizam'

charagh yaad ka us ne bujha diya hoga

shā.erī to vārdāt-e-qalb kī rūdād hai

qāfiya-paimā.ī ko maiñ shā.erī kaise kahūñ

shaeri to wardat-e-qalb ki rudad hai

qafiya-paimai ko main shaeri kaise kahun

'saudā' tū is ġhazal ko ġhazal-dar-ġhazal hī kah

honā hai tujh ko 'mīr' se ustād kī taraf

'sauda' tu is ghazal ko ghazal-dar-ghazal hi kah

hona hai tujh ko 'mir' se ustad ki taraf