Today's top 5 Urdu Shayari

ziist kā ik gunāh kar sake na ham

saañs ke vāste bhī mar sake na ham

zist ka ek gunah kar sake na hum

sans ke waste bhi mar sake na hum

saaqī ghaTā hai sehn-e-chaman hai bahār hai

ab kār-e-ḳhair meñ tujhe kyā intizār hai

saqi ghaTa hai sehn-e-chaman hai bahaar hai

ab kar-e-KHair mein tujhe kya intizar hai

raqs-e-mai tez karo saaz kī lai tez karo

sū-e-mai-ḳhāna safīrān-e-haram aate haiñ

raqs-e-mai tez karo saz ki lai tez karo

su-e-mai-KHana safiran-e-haram aate hain

havā ke dosh pe rakkhe hue charāġh haiñ ham

jo bujh ga.e to havā se shikāyateñ kaisī

hawa ke dosh pe rakkhe hue charagh hain hum

jo bujh gae to hawa se shikayaten kaisi

fazā kā tañg honā fitrat-e-āzād se pūchho

par-e-parvāz hī kyā jo qafas ko āshiyāñ samjhe

faza ka tang hona fitrat-e-azad se puchho

par-e-parwaz hi kya jo qafas ko aashiyan samjhe