Today's top 5 Urdu Shayari

ḳhirāj maañg rahī hai vo shāh-bānu-e-shahr

so ham bhī hadiya-e-dast-e-talab guzārte haiñ

KHiraj mang rahi hai wo shah-banu-e-shahr

so hum bhi hadiya-e-dast-e-talab guzarte hain

shah-e-be-ḳhudī ne atā kiyā mujhe ab libās-e-barahnagī

na ḳhirad kī baḳhiya-garī rahī na junūñ kī parda-darī rahī

shah-e-be-KHudi ne ata kiya mujhe ab libas-e-barahnagi

na KHirad ki baKHiya-gari rahi na junun ki parda-dari rahi

ek rutba hai tire dar pe gadā-o-shah kā

āsmāñ kaae liye phirtā hai mehr-o-mah kā

ek rutba hai tere dar pe gada-o-shah ka

aasman kae liye phirta hai mehr-o-mah ka

jānkārī khel lafzoñ kā zabāñ kā shor hai

jo bahut kam jāntā hai vo yahāñ shah-zor hai

jaankari khel lafzon ka zaban ka shor hai

jo bahut kam jaanta hai wo yahan shah-zor hai