Today's top 5 Urdu Shayari

kaTegī kaise gul-e-nau kī zindagī yā-rab

ki is ġharīb kā ḳhānoñ meñ ghar abhī se hai

kaTegi kaise gul-e-nau ki zindagi ya-rab

ki is gharib ka KHanon mein ghar abhi se hai

kam huī bāñg-e-jaras bhī yā-rab

ham se vāmāñda kidhar jā.eñge

kam hui bang-e-jaras bhi ya-rab

hum se wamanda kidhar jaenge

na ho yā rab aisī tabī.at kisī kī

ki hañs hañs ke dekhe musībat kisī kī

na ho ya rab aisi tabiat kisi ki

ki hans hans ke dekhe musibat kisi ki

mujh ko ye soch hai jiite haiñ ve kyūñ-kar yā-rab

apne māshūqoñ se jo shaḳhs judā rahte haiñ

mujh ko ye soch hai jite hain we kyun-kar ya-rab

apne mashuqon se jo shaKHs juda rahte hain

yā-rab ġham-e-hijrāñ meñ itnā to kiyā hotā

jo haath jigar par hai vo dast-e-duā hotā

ya-rab gham-e-hijran mein itna to kiya hota

jo hath jigar par hai wo dast-e-dua hota