Today's top 5 Urdu Shayari

tumhārī aarzū meñ maiñ ne apnī aarzū kī thī

ḳhud apnī justujū kā aap hāsil ho gayā huuñ maiñ

tumhaari aarzu mein main ne apni aarzu ki thi

KHud apni justuju ka aap hasil ho gaya hun main

ye tarz-e-ḳhās hai koī kahāñ se lā.egā

jo ham kaheñge kisī se kahā na jā.egā

ye tarz-e-KHas hai koi kahan se laega

jo hum kahenge kisi se kaha na jaega

zarā dekh aa.ina merī vafā kā

ki tū kaisā thā ab kaisā lage hai

zara dekh aaina meri wafa ka

ki tu kaisa tha ab kaisa lage hai

jinheñ hāsil hai terā qurb ḳhush-qismat sahī lekin

terī hasrat liye mar jaane vaale aur hote haiñ

jinhen hasil hai tera qurb KHush-qismat sahi lekin

teri hasrat liye mar jaane wale aur hote hain