Today's top 5 Urdu Shayari

jise na aane kī qasmeñ maiñ de ke aayā huuñ

usī ke qadmoñ kī aahaT kā intizār bhī hai

jise na aane ki qasmen main de ke aaya hun

usi ke qadmon ki aahaT ka intizar bhi hai

diyā ḳhāmosh hai lekin kisī kā dil to jaltā hai

chale aao jahāñ tak raushnī ma.alūm hotī hai

diya KHamosh hai lekin kisi ka dil to jalta hai

chale aao jahan tak raushni malum hoti hai

kabhī ḳhirad kabhī dīvāngī ne luuT liyā

tarah tarah se hameñ zindagī ne luuT liyā

kabhi KHirad kabhi diwangi ne luT liya

tarah tarah se hamein zindagi ne luT liya

aa.e kuchh abr kuchh sharāb aa.e

is ke ba.ad aa.e jo azaab aa.e

aae kuchh abr kuchh sharab aae

is ke baad aae jo azab aae

aur is se pahle ki sābit ho jurm-e-ḳhāmoshī

ham apnī raa.e kā iz.hār karnā chāhte haiñ

aur is se pahle ki sabit ho jurm-e-KHamoshi

hum apni rae ka izhaar karna chahte hain