be-sāya na ho jaa.e kahīñ ghar mirā yārab

kuchh din se maiñ jhuktā ye shajar dekh rahā huuñ

be-saya na ho jae kahin ghar mera yarab

kuchh din se main jhukta ye shajar dekh raha hun

chāñd kā qurb lagā kaisā chalo pūchh aa.eñ

āsmānoñ ke safar se vo palaT aayā hai

chand ka qurb laga kaisa chalo puchh aaen

aasmanon ke safar se wo palaT aaya hai

dekhnā chhoḌe nahīñ ḳhvāb mirī āñkhoñ ne

puurā har-chand koī ḳhvāb nahīñ ho paayā

dekhna chhoDe nahin KHwab meri aankhon ne

pura har-chand koi KHwab nahin ho paya

ek chehra hai jo āñkhoñ meñ basā rahtā hai

ik tasavvur hai jo tanhā nahīñ hone detā

ek chehra hai jo aankhon mein basa rahta hai

ek tasawwur hai jo tanha nahin hone deta

mujh ko ye mohtāt iḳhlās-e-nazar achchhā lagā

us kī duzdīda nigāhoñ kā safar achchhā lagā

mujh ko ye mohtat iKHlas-e-nazar achchha laga

us ki duzdida nigahon ka safar achchha laga