Today's top 5 Urdu Shayari

paañv meñ lipTī huī hai sab ke zanjīr-e-anā

sab musāfir haiñ yahāñ lekin safar meñ kaun hai

panw mein lipTi hui hai sab ke zanjir-e-ana

sab musafir hain yahan lekin safar mein kaun hai

terī yādoñ kī chamaktī huī mash.al ke sivā

merī āñkhoñ meñ koī aur ujālā hī nahīñ

teri yaadon ki chamakti hui mashal ke siwa

meri aankhon mein koi aur ujala hi nahin

jaane vaale se mulāqāt na hone paa.ī

dil kī dil meñ hī rahī baat na hone paa.ī

jaane wale se mulaqat na hone pai

dil ki dil mein hi rahi baat na hone pai

nigāhoñ meñ jo manzar ho vahī sab kuchh nahīñ hotā

bahut kuchh aur bhī pyāre pas-e-dīvār hotā hai

nigahon mein jo manzar ho wahi sab kuchh nahin hota

bahut kuchh aur bhi pyare pas-e-diwar hota hai

ai mohabbat tire anjām pe ronā aayā

jaane kyuuñ aaj tire naam pe ronā aayā

ai mohabbat tere anjam pe rona aaya

jaane kyun aaj tere nam pe rona aaya