ٹاپ 5 اردو شاعری| ریختہ

یہ دل ہے دل اسے سینے میں ہرگز

کبھی رکھنا نہ تم پتھر بنا کے

فراز سلطانپوری

گھاس میں جذب ہوئے ہوں گے زمیں کے آنسو

پاؤں رکھتا ہوں تو ہلکی سی نمی لگتی ہے

سلیم احمد

احباب کو دے رہا ہوں دھوکا

چہرے پہ خوشی سجا رہا ہوں

قتیل شفائی

ہوں اس کوچے کے ہر ذرے سے آگاہ

ادھر سے مدتوں آیا گیا ہوں

شاد عظیم آبادی

میرے حالات نے یوں کر دیا پتھر مجھ کو

دیکھنے والوں نے دیکھا بھی نہ چھو کر مجھ کو

عزیز بانو داراب وفا

آج کے منتخب ۵ شعر