Today's top 5 Urdu Shayari

vaqt ke saath badalnā to bahut āsāñ thā

mujh se har vaqt muḳhātib rahī ġhairat merī

waqt ke sath badalna to bahut aasan tha

mujh se har waqt muKHatib rahi ghairat meri

mujh ko mirī shikast kī dohrī sazā milī

tujh se bichhaḌ ke zindagī duniyā se jā milī

mujh ko meri shikast ki dohri saza mili

tujh se bichhaD ke zindagi duniya se ja mili

auroñ kī burā.ī ko na dekhūñ vo nazar de

haañ apnī burā.ī ko parakhne kā hunar de

auron ki burai ko na dekhun wo nazar de

han apni burai ko parakhne ka hunar de

chhoḌne maiñ nahīñ jaatā use darvāze tak

lauT aatā huuñ ki ab kaun use jaatā dekhe

chhoDne main nahin jata use darwaze tak

lauT aata hun ki ab kaun use jata dekhe

chal saath ki hasrat dil-e-marhūm se nikle

āshiq kā janāza hai zarā dhuum se nikle

chal sath ki hasrat dil-e-marhum se nikle

aashiq ka janaza hai zara dhum se nikle