Today's top 5 Urdu Shayari

zāhir na thā nahīñ sahī lekin zuhūr thā

kuchh kyuuñ na thā jahān meñ kuchh to zarūr thā

zahir na tha nahin sahi lekin zuhur tha

kuchh kyun na tha jahan mein kuchh to zarur tha

idhar udhar mirī āñkheñ tujhe pukārtī haiñ

mirī nigāh nahīñ hai zabān hai goyā

idhar udhar meri aankhen tujhe pukarti hain

meri nigah nahin hai zaban hai goya

sune jaate na the tum se mire din raat ke shikve

kafan sarkāo merī be-zabānī dekhte jaao

sune jate na the tum se mere din raat ke shikwe

kafan sarkao meri be-zabani dekhte jao

miltī hai ġham se ruuh ko ik lazzat-e-hayāt

jo ġham-nasīb hai vo baḌā ḳhush-nasīb hai

milti hai gham se ruh ko ek lazzat-e-hayat

jo gham-nasib hai wo baDa KHush-nasib hai

bas ek shaam kā har shaam intizār rahā

magar vo shaam kisī shaam bhī nahīñ aa.ī

bas ek sham ka har sham intizar raha

magar wo sham kisi sham bhi nahin aai