Sher on Eyes
Eyes don’t only see
what appears before them; they go deeper and see much more than the obvious and the visible. Urdu poetry celebrates the lovers’ eyes in most unusual ways. They both attract and repel and bring pleasure and pain accordingly. You would come across such experiences and many more when you would go through this selection.
yuuñ churā.īñ us ne āñkheñ sādgī to dekhiye
bazm meñ goyā mirī jānib ishārā kar diyā
yun churain us ne aankhen sadgi to dekhiye
bazm mein goya meri jaanib ishaara kar diya
-
Tag : Sadgi
udaas āñkhoñ se aañsū nahīñ nikalte haiñ
ye motiyoñ kī tarah sīpiyoñ meñ palte haiñ
udas aankhon se aansu nahin nikalte hain
ye motiyon ki tarah sipiyon mein palte hain
-
Tag : Aansoo
vo jis muñDer pe chhoḌ aayā apnī āñkheñ maiñ
charāġh hotā to lau bhuul kar chalā jaatā
wo jis munDer pe chhoD aaya apni aankhen main
charagh hota to lau bhul kar chala jata
-
Tags : Charaghand 1 more
aah vo āñkheñ ravāñ dariyā haiñ aur aisā ki bas
Duub kar achchhe-bhale tairāk ho jaate haiñ ham
aah wo aankhen rawan dariya hain aur aisa ki bas
Dub kar achchhe-bhale tairak ho jate hain hum
-
Tag : Ishq
jab Duub ke marnā hai to kyā soch rahe ho
in jhiil sī āñkhoñ meñ utar kyuuñ nahīñ jaate
jab Dub ke marna hai to kya soch rahe ho
in jhil si aankhon mein utar kyun nahin jate
log kahte haiñ ki tū ab bhī ḳhafā hai mujh se
terī āñkhoñ ne to kuchh aur kahā hai mujh se
log kahte hain ki tu ab bhi KHafa hai mujh se
teri aankhon ne to kuchh aur kaha hai mujh se
-
Tags : Ishqand 3 more
asar na pūchhiye saaqī kī mast āñkhoñ kā
ye dekhiye ki koī hoshyār baaqī hai
asar na puchhiye saqi ki mast aankhon ka
ye dekhiye ki koi hoshyar baqi hai
un mad-bharī āñkhoñ kī tārīf ho kyā zāhid
dekho to haiñ do sāġhar samjho to haiñ mai-ḳhāna
un mad-bhari aankhon ki tarif ho kya zahid
dekho to hain do saghar samjho to hain mai-KHana
hotā hai rāz-e-ishq-o-mohabbat inhīñ se faash
āñkheñ zabāñ nahīñ haiñ magar be-zabāñ nahīñ
hota hai raaz-e-ishq-o-mohabbat inhin se fash
aankhen zaban nahin hain magar be-zaban nahin
aa jaa.e na dil aap kā bhī aur kisī par
dekho mirī jaañ aañkh laḌānā nahīñ achchhā
aa jae na dil aap ka bhi aur kisi par
dekho meri jaan aankh laDana nahin achchha
ḳhudā bachā.e tirī mast mast āñkhoñ se
farishta ho to bahak jaa.e aadmī kyā hai
KHuda bachae teri mast mast aankhon se
farishta ho to bahak jae aadmi kya hai
āñkhoñ meñ jo baat ho ga.ī hai
ik sharh-e-hayāt ho ga.ī hai
aankhon mein jo baat ho gai hai
ek sharh-e-hayat ho gai hai
us kī āñkheñ haiñ ki ik Dūbne vaalā insāñ
dūsre Dūbne vaale ko pukāre jaise
us ki aankhen hain ki ek Dubne wala insan
dusre Dubne wale ko pukare jaise
ab apne chehre par do patthar se sajā.e phirtā huuñ
aañsū le kar bech diyā hai āñkhoñ kī bīnā.ī ko
ab apne chehre par do patthar se sajae phirta hun
aansu le kar bech diya hai aankhon ki binai ko
jo un ma.asūm āñkhoñ ne diye the
vo dhoke aaj tak maiñ khā rahā huuñ
jo un masum aankhon ne diye the
wo dhoke aaj tak main kha raha hun
-
Tags : Dhokaand 1 more
kab un āñkhoñ kā sāmnā na huā
tiir jin kā kabhī ḳhatā na huā
kab un aankhon ka samna na hua
tir jin ka kabhi KHata na hua
tire jamāl kī tasvīr khīñch duuñ lekin
zabāñ meñ aañkh nahīñ aañkh meñ zabān nahīñ
tere jamal ki taswir khinch dun lekin
zaban mein aankh nahin aankh mein zaban nahin
kaifiyyat-e-chashm us kī mujhe yaad hai 'saudā'
sāġhar ko mire haath se liijo ki chalā maiñ
kaifiyyat-e-chashm us ki mujhe yaad hai 'sauda'
saghar ko mere hath se lijo ki chala main
āñkheñ jo uThā.e to mohabbat kā gumāñ ho
nazroñ ko jhukā.e to shikāyat sī lage hai
aankhen jo uThae to mohabbat ka guman ho
nazron ko jhukae to shikayat si lage hai
kabhī un mad-bharī āñkhoñ se piyā thā ik jaam
aaj tak hosh nahīñ hosh nahīñ hosh nahīñ
kabhi un mad-bhari aankhon se piya tha ek jam
aaj tak hosh nahin hosh nahin hosh nahin
jab tire nain muskurāte haiñ
ziist ke rañj bhuul jaate haiñ
jab tere nain muskuraate hain
zist ke ranj bhul jate hain
tumhārī āñkhoñ kī tauhīn hai zarā socho
tumhārā chāhne vaalā sharāb piitā hai
tumhaari aankhon ki tauhin hai zara socho
tumhaara chahne wala sharab pita hai
terī āñkhoñ kā kuchh qusūr nahīñ
haañ mujhī ko ḳharāb honā thā
teri aankhon ka kuchh qusur nahin
han mujhi ko KHarab hona tha
bahut dinoñ meñ taġhāful ne tere paidā kī
vo ik nigah ki ba-zāhir nigāh se kam hai
bahut dinon mein taghaful ne tere paida ki
wo ek nigah ki ba-zahir nigah se kam hai
āñkheñ saaqī kī jab se dekhī haiñ
ham se do ghūñT pī nahīñ jaatī
aankhen saqi ki jab se dekhi hain
hum se do ghunT pi nahin jati
-
Tag : Saqi
ek aañsū bhī hukūmat ke liye ḳhatra hai
tum ne dekhā nahīñ ā.ankhoñ kā samundar honā
ek aansu bhi hukumat ke liye KHatra hai
tum ne dekha nahin aaankhon ka samundar hona
-
Tags : Aansooand 1 more
raat ko sonā na sonā sab barābar ho gayā
tum na aa.e ḳhvāb meñ āñkhoñ meñ ḳhvāb aayā to kyā
raat ko sona na sona sab barabar ho gaya
tum na aae KHwab mein aankhon mein KHwab aaya to kya
mazā leñge ham dekh kar terī āñkheñ
unheñ ḳhuub tū nāma-bar dekh lenā
maza lenge hum dekh kar teri aankhen
unhen KHub tu nama-bar dekh lena
log karte haiñ ḳhvāb kī bāteñ
ham ne dekhā hai ḳhvāb āñkhoñ se
log karte hain KHwab ki baaten
hum ne dekha hai KHwab aankhon se
-
Tag : Khwab
haiñ mirī raah kā patthar mirī āñkhoñ kā hijāb
zaḳhm bāhar ke jo andar nahīñ jaane dete
hain meri rah ka patthar meri aankhon ka hijab
zaKHm bahar ke jo andar nahin jaane dete
kisī ko qissa-e-pākī-e-chashm yaad nahīñ
ye āñhkeñ kaun sī barsāt meñ nahā.ī thiiñ
kisi ko qissa-e-paki-e-chashm yaad nahin
ye aanhken kaun si barsat mein nahai thin
bhar laa.e haiñ ham aañkh meñ rakhne ko muqābil
ik ḳhvāb-e-tamannā tirī ġhaflat ke barābar
bhar lae hain hum aankh mein rakhne ko muqabil
ek KHwab-e-tamanna teri ghaflat ke barabar
-
Tag : Khwab
kisī ne chuum ke āñkhoñ ko ye duā dī thī
zamīn terī ḳhudā motiyoñ se nam kar de
kisi ne chum ke aankhon ko ye dua di thi
zamin teri KHuda motiyon se nam kar de
-
Tag : Dua
DhūñDtī haiñ jise mirī āñkheñ
vo tamāshā nazar nahīñ aatā
DhunDti hain jise meri aankhen
wo tamasha nazar nahin aata
is qadar royā huuñ terī yaad meñ
ā.īne āñkhoñ ke dhundle ho ga.e
is qadar roya hun teri yaad mein
aaine aankhon ke dhundle ho gae
-
Tags : Aansooand 1 more
un ras bharī āñkhoñ meñ hayā khel rahī hai
do zahr ke pyāloñ meñ qazā khel rahī hai
un ras bhari aankhon mein haya khel rahi hai
do zahr ke pyalon mein qaza khel rahi hai
zarā der baiThe the tanhā.ī meñ
tirī yaad āñkheñ dukhāne lagī
zara der baiThe the tanhai mein
teri yaad aankhen dukhane lagi
-
Tags : Tanhaiand 1 more
aañkh kī ye ek hasrat thī ki bas puurī huī
āñsuoñ meñ bhiig jaane kī havas puurī huī
aankh ki ye ek hasrat thi ki bas puri hui
aansuon mein bhig jaane ki hawas puri hui
maiñ Dar rahā huuñ tumhārī nashīlī āñkhoñ se
ki luuT leñ na kisī roz kuchh pilā ke mujhe
main Dar raha hun tumhaari nashili aankhon se
ki luT len na kisi roz kuchh pila ke mujhe
haañ kabhī ḳhvāb-e-ishq dekhā thā
ab tak āñkhoñ se ḳhuuñ Tapaktā hai
han kabhi KHwab-e-ishq dekha tha
ab tak aankhon se KHun Tapakta hai
-
Tags : Ishqand 2 more
ye ḳhadd-o-ḳhāl ye gesū ye sūrat-e-zebā
sabhī kā husn hai apnī jagah magar āñkheñ
ye KHadd-o-KHal ye gesu ye surat-e-zeba
sabhi ka husn hai apni jagah magar aankhen
āñkhoñ meñ us kī maiñ ne āḳhir malāl dekhā
kin kin bulandiyoñ par apnā zavāl dekhā
aankhon mein us ki main ne aaKHir malal dekha
kin kin bulandiyon par apna zawal dekha
-
Tag : Zindagi
āñkheñ na jiine deñgī tirī be-vafā mujhe
kyuuñ khiḌkiyoñ se jhāñk rahī hai qazā mujhe
aankhen na jine dengi teri be-wafa mujhe
kyun khiDkiyon se jhank rahi hai qaza mujhe
-
Tags : Famous shayariand 1 more
buz-dilī hogī charāġhoñ ko dikhānā āñkheñ
abr chhaT jaa.e to sūraj se milānā āñkheñ
would be cowardice to stare down at the flame
let the clouds disperse then look upon the sun
buz-dili hogi charaghon ko dikhana aankhen
abr chhaT jae to suraj se milana aankhen
would be cowardice to stare down at the flame
let the clouds disperse then look upon the sun
apnī āñkhoñ kī bad-nasībī haa.e
ik na ik roz hādisa dekhā
apni aankhon ki bad-nasibi hae
ek na ek roz hadisa dekha
haiñ tasavvur meñ us ke āñkheñ band
log jāneñ haiñ ḳhvāb kartā huuñ
hain tasawwur mein us ke aankhen band
log jaanen hain KHwab karta hun
na vo sūrat dikhāte haiñ na milte haiñ gale aa kar
na āñkheñ shaad hotīñ haiñ na dil masrūr hotā hai
na wo surat dikhate hain na milte hain gale aa kar
na aankhen shad hotin hain na dil masrur hota hai
kabhī ziyāda kabhī kam rahā hai āñkhoñ meñ
lahū kā silsila paiham rahā hai āñkhoñ meñ
kabhi ziyaada kabhi kam raha hai aankhon mein
lahu ka silsila paiham raha hai aankhon mein
laḌne ko dil jo chāhe to āñkheñ laḌā.iye
ho jañg bhī agar to mazedār jañg ho
laDne ko dil jo chahe to aankhen laDaiye
ho jang bhi agar to mazedar jang ho
log nazroñ ko bhī paḌh lete haiñ
apnī āñkhoñ ko jhukā.e rakhnā
log nazron ko bhi paDh lete hain
apni aankhon ko jhukae rakhna