bhuule hai.n rafta rafta unhe.n muddato.n me.n ham qisto.n me.n KHud-kushii kaa mazaa ham se puuchhiye

ilaahii mire dost ho.n KHairiyat se ye kyuu.n ghar me.n patthar nahii.n aa rahe hai.n

jhunjhlaa.e hai.n lajaa.e hai.n phir muskuraa.e hai.n kis ehtimaam se unhe.n ham yaad aa.e hai.n dair-o-haram ke habs-kado.n ke sataa.e hai.n ham aaj mai-kade kii havaa khaane aa.e hai.n ab jaa ke aah karne ke aadaab aa.e hai.n duniyaa samajh rahii hai ki ham muskuraa.e hai.n guzre hai.n mai-kade se jo tauba ke ba.ad ham kuchh duur aadatan bhii qadam la.Dkha.Daa.e hai.n ai josh-e-girya dekh na karnaa KHajil mujhe aa.nkhe.n mirii zaruur hai.n aa.nsuu paraa.e hai.n ai maut ai bahisht-e-sukuu.n aa KHush-aamdiid ham zindagii me.n pahle pahal muskuraa.e hai.n jitnii bhii mai-kade me.n hai saaqii pilaa de aaj ham tishna-kaam zohd ke sahraa se aa.e hai.n insaan jiite-jii kare.n tauba KHataa.o.n se majbuuriyo.n ne kitne farishte banaa.e hai.n samjhaate qabl-e-ishq to mumkin thaa bantii baat naaseh Gariib ab hame.n samjhaane aa.e hai.n ka.abe me.n KHairiyat to hai sab hazrat-e-'KHumaar' ye dair hai janaab yahaa.n kaise aa.e hai.n

mohabbat ko samajhnaa hai to naaseh KHud mohabbat kar kinaare se kabhii andaaza-e-tuufaa.n nahii.n hotaa

aisaa nahii.n ki un se mohabbat nahii.n rahii jazbaat me.n vo pahlii sii shiddat nahii.n rahii

ye vafaa kii saKHt raahe.n ye tumhaare paa.nv naazuk na lo intiqaam mujh se mire saath saath chal ke

vahii phir mujhe yaad aane lage hai.n jinhe.n bhuulne me.n zamaane lage hai.n

bhuule hai.n rafta rafta unhe.n muddato.n me.n ham qisto.n me.n KHud-kushii kaa mazaa ham se puuchhiye

ye kahnaa thaa un se mohabbat hai mujh ko ye kahne me.n mujh ko zamaane lage hai.n

kahii.n sher o naGma ban ke kahii.n aa.nsu.o.n me.n Dhal ke vo mujhe mile to lekin ka.ii suurate.n badal ke