firaq-e-nabi mein jab aansu bahae

firāq-e-nabī meñ jab aañsū bahā.e

sitāre bahut der tak muskurā.e

mohammad kā e.azāz allāhu-akbar

ḳhudā aur bande ke ḳhud naaz uThā.e

mirā dil hai mansūb yād-e-nabī se

shab-e-ġham se kah do kahīñ aur jaa.e

shikan-dar-shikan vo mohammad ke gesū

muhīt-e-do-ālam vo rahmat ke saa.e

nazar meñ basī hai bahār-e-madīna

ḳhizāñ aa ke ab mujh se nazreñ milā.e

ḳhushā husn-e-aḳhlāq shāh-e-madīna

jo kāfir the sharmā ke īmān laa.e

ḳhumār us kā baḳht-e-rasā allah allāh

madīne pahuñch kar jo vāpas na aa.e

firaq-e-nabi mein jab aansu bahae

sitare bahut der tak muskurae

mohammad ka eazaz allahu-akbar

KHuda aur bande ke KHud naz uThae

mera dil hai mansub yaad-e-nabi se

shab-e-gham se kah do kahin aur jae

shikan-dar-shikan wo mohammad ke gesu

muhit-e-do-alam wo rahmat ke sae

nazar mein basi hai bahaar-e-madina

KHizan aa ke ab mujh se nazren milae

KHusha husn-e-aKHlaq shah-e-madina

jo kafir the sharma ke iman lae

KHumar us ka baKHt-e-rasa allah allah

madine pahunch kar jo wapas na aae