ab jo ik hasrat-e-javaanii hai umr-e-rafta kii ye nishaanii hai

rote phirte hai.n saarii saarii raat ab yahii rozgaar hai apnaa

raah-e-duur-e-ishq me.n rotaa hai kyaa aage aage dekhiye hotaa hai kyaa

jin ke liye apne to yuu.n jaan nikalte hai.n is raah me.n ve jaise anjaan nikalte hai.n kyaa tiir-e-sitam us ke siine me.n bhii TuuTe the jis zaKHm ko chiiruu.n huu.n paikaan nikalte hai.n mat sahl hame.n jaano phirtaa hai falak barso.n tab KHaak ke parde se insaan nikalte hai.n kis kaa hai qimaash aisaa guuda.D bhare hai.n saare dekho na jo logo.n ke diivaan nikalte hai.n gah lohuu Tapaktaa hai gah laKHt-e-dil aa.nkho.n se yaa Tuk.De jigar hii ke har aan nikalte hai.n kariye to gila kis se jaisii thii hame.n KHvaahish ab vaise hii ye apne armaan nikalte hai.n jaagah se bhii jaate ho mu.nh se bhii KHashin ho kar ve harf nahii.n hai.n jo shaayaan nikalte hai.n so kaahe ko apnii tuu jogii kii sii pherii hai barso.n me.n kabhuu iidhar ham aan nikalte hai.n un aa.iina-ruuyo.n ke kyaa 'miir' bhii aashiq hai.n jab ghar se nikalte hai.n hairaan nikalte hai.n

ab jo ik hasrat-e-javaanii hai umr-e-rafta kii ye nishaanii hai

rote phirte hai.n saarii saarii raat ab yahii rozgaar hai apnaa

mere rone kii haqiiqat jis me.n thii ek muddat tak vo kaaGaz nam rahaa

saare aalam par huu.n mai.n chhaayaa hu.aa mustanad hai meraa farmaayaa hu.aa

kuchh karo fikr mujh diivaane kii dhuum hai phir bahaar aane kii dil kaa us kunj-e-lab se de hai nishaa.n baat lagtii to hai Thikaane kii vo jo phirtaa hai mujh se duur hii duur hai ye taqriib jii ke jaane kii tez yuu.n hii na thii shab aatish-e-shauq thii KHabar garm us ke aane kii KHizr us KHatt-e-sabz par to mu.aa dhun hai ab apne zahr khaane kii dil-e-sad-chaak baab-e-zulf hai lek baav sii ba.ndh rahii hai shaane kii kisuu kam-zarf ne lagaa.ii aah tujh se mai-KHaane ke jalaane kii varna ai shaiKH-e-shahr vaajib thii jaam-daarii sharaab-KHaane kii jo hai so paa.emaal-e-Gam hai 'miir' chaal be-Dol hai zamaane kii

shaam se kuchh bujhaa saa rahtaa huu.n dil hu.aa hai charaaG muflis kaa