Today's top 5 Urdu Shayari

us se pūchhe koī chāhat ke maze

jis ne chāhā aur jo chāhā gayā

us se puchhe koi chahat ke maze

jis ne chaha aur jo chaha gaya

vo the javāb ke sāhil pe muntazir lekin

samay kī naav meñ merā savāl Duub gayā

wo the jawab ke sahil pe muntazir lekin

samay ki naw mein mera sawal Dub gaya

ruuh arbāb-e-mohabbat kī laraz jaatī hai

tū pashemān na ho apnī jafā yaad na kar

ruh arbab-e-mohabbat ki laraz jati hai

tu pasheman na ho apni jafa yaad na kar

hameñ har vaqt ye ehsās dāman-gīr rahtā hai

paḌe haiñ Dher saare kaam aur mohlat zarā sī hai

hamein har waqt ye ehsas daman-gir rahta hai

paDe hain Dher sare kaam aur mohlat zara si hai

umiid kā ye rañg hai hujūm-e-rañj-o-yās meñ

ki jis tarah koī hasīñ ho mātamī libās meñ

umid ka ye rang hai hujum-e-ranj-o-yas mein

ki jis tarah koi hasin ho matami libas mein