Today's top 5 Urdu Shayari

maiñ vo ma.anī-e-ġham-e-ishq huuñ jise harf harf likhā gayā

kabhī āñsuoñ kī bayāz meñ kabhī dil se le ke kitāb tak

main wo mani-e-gham-e-ishq hun jise harf harf likha gaya

kabhi aansuon ki bayaz mein kabhi dil se le ke kitab tak

jāntā us ko huuñ davā kī tarah

chāhtā us ko huuñ shifā kī tarah

jaanta us ko hun dawa ki tarah

chahta us ko hun shifa ki tarah

ye log ishq meñ sachche nahīñ haiñ varna hijr

na ibtidā na kahīñ intihā meñ aatā hai

ye log ishq mein sachche nahin hain warna hijr

na ibtida na kahin intiha mein aata hai

yuuñ chaar din kī bahāroñ ke qarz utāre ga.e

tumhāre ba.ad ke mausam faqat guzāre ga.e

yun chaar din ki bahaaron ke qarz utare gae

tumhaare baad ke mausam faqat guzare gae

ulfat kā hai maza ki 'asar' ġham bhī saath hoñ

tārīkiyāñ bhī saath raheñ raushnī ke saath

ulfat ka hai maza ki 'asar' gham bhi sath hon

tarikiyan bhi sath rahen raushni ke sath