Today's top 5 Urdu Shayari

donoñ lāzim haiñ lā-zavāl bhī haiñ

ik tirā husn ik mirā ye ishq

donon lazim hain la-zawal bhi hain

ek tera husn ek mera ye ishq

jaane vaale sab aa chuke 'mohsin'

aane vaalā abhī nahīñ aayā

jaane wale sab aa chuke 'mohsin'

aane wala abhi nahin aaya

ye mohabbat kī kahānī nahīñ martī lekin

log kirdār nibhāte hue mar jaate haiñ

ye mohabbat ki kahani nahin marti lekin

log kirdar nibhate hue mar jate hain

kitne mah-o-anjum haiñ ziyā-pāsh azal se

lekin na huī kam dil-e-insāñ kī siyāhī

kitne mah-o-anjum hain ziya-pash azal se

lekin na hui kam dil-e-insan ki siyahi

chaman meñ rakhte haiñ kāñTe bhī ik maqām ai dost

faqat guloñ se hī gulshan kī aabrū to nahīñ

chaman mein rakhte hain kanTe bhi ek maqam ai dost

faqat gulon se hi gulshan ki aabru to nahin