Today's top 5 Urdu Shayari

tamām umr qafas meñ guzār dī ham ne

ḳhabar nahīñ ki nasheman kī zindagī kyā hai

tamam umr qafas mein guzar di hum ne

KHabar nahin ki nasheman ki zindagi kya hai

tū bevafā hai tirā e'tibār kaun kare

tamām umr tirā intizār kaun kare

tu bewafa hai tera e'tibar kaun kare

tamam umr tera intizar kaun kare

chalā thā zikr zamāne kī bevafā.ī kā

so aa gayā hai tumhārā ḳhayāl vaise hī

chala tha zikr zamane ki bewafai ka

so aa gaya hai tumhaara KHayal waise hi

kāmyābī kī duā.eñ mujhe dene vaale

maiñ tire ishq meñ nākām huā jaatā huuñ

kaamyabi ki duaen mujhe dene wale

main tere ishq mein nakaam hua jata hun

maiñ badalte hue hālāt meñ Dhal jaatā huuñ

dekhne vaale adākār samajhte haiñ mujhe

main badalte hue haalat mein Dhal jata hun

dekhne wale adakar samajhte hain mujhe