tu bewafa hai tera etibar kaun kare

tū bevafā hai tirā e'tibār kaun kare

tamām umr tirā intizār kaun kare

bahut dinoñ se maiñ ḳhush-fahmī-e-visāl meñ huuñ

jo tū nahīñ to mujhe be-qarār kaun kare

sunā.eñ haal bhī dil kā agar sune koī

sune na jab koī chīḳh-o-pukār kaun kare

vo aa.e yā ki na aa.e ye us kī hai marzī

shumār-e-gardish-e-lail-o-nahār kaun kare

jo maiñ bhī sab kī tarah bas tire qasīde likhūñ

ilāj-e-barhami-e-rozgār kaun kare

agar nasīb meñ 'zaiġham' ḳhizāñ hī likkhī ho

to phir jahāñ meñ talāsh-e-bahār kaun kare

tu bewafa hai tera e'tibar kaun kare

tamam umr tera intizar kaun kare

bahut dinon se main KHush-fahmi-e-visal mein hun

jo tu nahin to mujhe be-qarar kaun kare

sunaen haal bhi dil ka agar sune koi

sune na jab koi chiKH-o-pukar kaun kare

wo aae ya ki na aae ye us ki hai marzi

shumar-e-gardish-e-lail-o-nahaar kaun kare

jo main bhi sab ki tarah bas tere qaside likhun

ilaj-e-barhami-e-rozgar kaun kare

agar nasib mein 'zaigham' KHizan hi likkhi ho

to phir jahan mein talash-e-bahaar kaun kare