ٹاپ 5 اردو شاعری| ریختہ

ملاتے ہو اسی کو خاک میں جو دل سے ملتا ہے

مری جاں چاہنے والا بڑی مشکل سے ملتا ہے

داغؔ دہلوی

کچھ ستارے مری پلکوں پہ چمکتے ہیں ابھی

کچھ ستارے مرے سینے میں سمائے ہوئے ہیں

ارشد عبد الحمید

شجاعؔ وہ خیریت پوچھیں تو حیرت میں نہ پڑ جانا

پریشاں کرنے والے خیر خواہوں میں بھی ہوتے ہیں

شجاع خاور

زندگی سندر غزل ہے دوستو

زندگی کو گنگنانا چاہئے

عازم کوہلی

بے صدا کیوں گزرتے ہو آواز دو

اب بھی کچھ لوگ اندر مکانوں میں ہیں

یوسف تقی

آج کے منتخب ۵ شعر