Today's top 5 Urdu Shayari

kachche makān jitne the bārish meñ bah ga.e

varna jo merā dukh thā vo dukh umr bhar kā thā

kachche makan jitne the barish mein bah gae

warna jo mera dukh tha wo dukh umr bhar ka tha

is bhare shahr meñ din raat Thaharte hī nahīñ

kaun yādoñ ke safar-nāme ko tahrīr kare

is bhare shahr mein din raat Thaharte hi nahin

kaun yaadon ke safar-name ko tahrir kare

ham sitāroñ kī tarah Duub ga.e

din qayāmat ke intizār meñ hai

hum sitaron ki tarah Dub gae

din qayamat ke intizar mein hai

Thokar kisī patthar se agar khaa.ī hai maiñ ne

manzil kā nishāñ bhī usī patthar se milā hai

Thokar kisi patthar se agar khai hai main ne

manzil ka nishan bhi usi patthar se mila hai

teġh-bāzī kā shauq apnī jagah

aap to qatl-e-ām kar rahe haiñ

tegh-bazi ka shauq apni jagah

aap to qatl-e-am kar rahe hain