Today's top 5 Urdu Shayari

na vo rindān-e-ḳhush-auqāt na vo bazm-e-vafā

ishrat-e-bāda-e-gulfām kise nazr karūñ

na wo rindan-e-KHush-auqat na wo bazm-e-wafa

ishrat-e-baada-e-gulfam kise nazr karun

'shaukat' hamāre saath baḌā hādisa huā

ham rah ga.e hamārā zamāna chalā gayā

'shaukat' hamare sath baDa hadisa hua

hum rah gae hamara zamana chala gaya

saare chaman ko maiñ to samajhtā huuñ apnā ghar

jaise chaman meñ merā koī āshiyāñ banā

sare chaman ko main to samajhta hun apna ghar

jaise chaman mein mera koi aashiyan bana

tamām umr qafas meñ guzār dī ham ne

ḳhabar nahīñ ki nasheman kī zindagī kyā hai

tamam umr qafas mein guzar di hum ne

KHabar nahin ki nasheman ki zindagi kya hai

kisī manzil meñ bhī hāsil na huā dil ko qarār

zindagī ḳhvāhish-e-nākām hī karte guzrī

kisi manzil mein bhi hasil na hua dil ko qarar

zindagi KHwahish-e-nakaam hi karte guzri