ٹاپ 5 اردو شاعری| ریختہ

ہر دکاں اپنی جگہ حیرت نظارہ ہے

فکر انساں کے سجائے ہوئے بازار تو دیکھ

اکبر حیدرآبادی

شوق منزل ہم سفر ہے جذبۂ دل راہبر

مجھ پہ خود بھی کھل نہیں پاتا کدھر جاتا ہوں میں

علی جواد زیدی

بہت مشکل ہے بنجارہ مجازی

سلیقہ چاہئے آوارگی میں

ندا فاضلی

بے برسے گزر جاتے ہیں امڈے ہوئے بادل

جیسے انہیں میرا ہی پتا یاد نہیں ہے

وحید اختر

واقف کہاں زمانہ ہماری اڑان سے

وہ اور تھے جو ہار گئے آسمان سے

فہیم جوگاپوری

آج کے منتخب ۵ شعر