Today's top 5 Urdu Shayari

kachchī dīvāreñ sadā-noshī meñ kitnī taaq thiiñ

pattharoñ meñ chīḳh kar dekhā to andāzā huā

kachchi diwaren sada-noshi mein kitni taq thin

pattharon mein chiKH kar dekha to andaza hua

nigāh-e-shauq agar dil kī tarjumāñ ho jaa.e

to zarra zarra mohabbat kā rāz-dāñ ho jaa.e

nigah-e-shauq agar dil ki tarjuman ho jae

to zarra zarra mohabbat ka raaz-dan ho jae

ghuTan sī hone lagī us ke paas jaate hue

maiñ ḳhud se ruuTh gayā huuñ use manāte hue

ghuTan si hone lagi us ke pas jate hue

main KHud se ruTh gaya hun use manate hue

ro.e baġhair chāra na rone kī taab hai

kyā chiiz uf ye kaifiyat-e-iztirāb hai

roe baghair chaara na rone ki tab hai

kya chiz uf ye kaifiyat-e-iztirab hai

apnī ḳhushī se mujhe terī ḳhushī thī aziiz

tū bhī magar jaane kyuuñ mujh se ḳhafā ho gayā

apni KHushi se mujhe teri KHushi thi aziz

tu bhi magar jaane kyun mujh se KHafa ho gaya