Today's top 5 Urdu Shayari

hameñ har vaqt ye ehsās dāman-gīr rahtā hai

paḌe haiñ Dher saare kaam aur mohlat zarā sī hai

hamein har waqt ye ehsas daman-gir rahta hai

paDe hain Dher sare kaam aur mohlat zara si hai

jalte haiñ ik charāġh kī lau se ka.ī charāġh

duniyā tire ḳhayāl se raushan huī to hai

jalte hain ek charagh ki lau se kai charagh

duniya tere KHayal se raushan hui to hai

yā to kisī ko jur.at-e-dīdār hī na ho

yā phir mirī nigāh se dekhā kare koī

ya to kisi ko jurat-e-didar hi na ho

ya phir meri nigah se dekha kare koi

dil-e-muztar vafā ke baab meñ ye jald-bāzī kyā

zarā ruk jaa.eñ aur dekheñ natīja kyā nikaltā hai

dil-e-muztar wafa ke bab mein ye jald-bazi kya

zara ruk jaen aur dekhen natija kya nikalta hai

mirī jagah koī ā.īna rakh liyā hotā

na jaane tere tamāshe meñ merā kaam hai kyā

meri jagah koi aaina rakh liya hota

na jaane tere tamashe mein mera kaam hai kya