ٹاپ 5 اردو شاعری| ریختہ

ہونا ہے درد عشق سے گر لذت آشنا

دل کو خراب تلخیٔ ہجراں تو کیجیے

صفیہ شمیم

اس طرح ہوش گنوانا بھی کوئی بات نہیں

اور یوں ہوش سے رہنے میں بھی نادانی ہے

مصطفی زیدی

ظالم تھا وہ اور ظلم کی عادت بھی بہت تھی

مجبور تھے ہم اس سے محبت بھی بہت تھی

کلیم عاجز

بہت حیرت زدہ ہے آئنہ بھی

کہ چہرے پر کوئی چہرہ نہیں ہے

اقبال خاور

جو چپ رہا تو وہ سمجھے گا بد گمان مجھے

برا بھلا ہی سہی کچھ تو بول آؤں میں

افتخار امام صدیقی

آج کے منتخب ۵ شعر