Today's top 5 Urdu Shayari

ta.alluq hai na ab tark-e-ta.alluq

ḳhudā jaane ye kaisī dushmanī hai

talluq hai na ab tark-e-talluq

KHuda jaane ye kaisi dushmani hai

yādgār-e-zamāna haiñ ham log

sun rakho tum fasāna haiñ ham log

yaadgar-e-zamana hain hum log

sun rakho tum fasana hain hum log

zindagānī kā lutf to 'azmat'

sirf tūfān kī panāh meñ hai

zindagani ka lutf to 'azmat'

sirf tufan ki panah mein hai

shab kī shab koī na sharminda-e-ruḳhsat Thahre

jaane vāloñ ke liye sham.eñ bujhā dī jaa.eñ

shab ki shab koi na sharminda-e-ruKHsat Thahre

jaane walon ke liye shamen bujha di jaen

alfāz na āvāz na hamrāz na dam-sāz

ye kaise dorāhe pe maiñ ḳhāmosh khaḌī huuñ

alfaz na aawaz na hamraaz na dam-saz

ye kaise dorahe pe main KHamosh khaDi hun