Today's top 5 Urdu Shayari

mil-milā ke donoñ ne dil ko kar diyā barbād

husn ne kiyā be-ḳhud ishq ne kiyā āzād

mil-mila ke donon ne dil ko kar diya barbaad

husn ne kiya be-KHud ishq ne kiya aazad

DhūñDtī haiñ jise mirī āñkheñ

vo tamāshā nazar nahīñ aatā

DhunDti hain jise meri aankhen

wo tamasha nazar nahin aata

kachche makān jitne the bārish meñ bah ga.e

varna jo merā dukh thā vo dukh umr bhar kā thā

kachche makan jitne the barish mein bah gae

warna jo mera dukh tha wo dukh umr bhar ka tha

ik safīna hai tirī yaad agar

ik samundar hai mirī tanhā.ī

ek safina hai teri yaad agar

ek samundar hai meri tanhai

mujhe muskurā muskurā kar na dekho

mire saath tum bhī ho rusvā.iyoñ meñ

mujhe muskura muskura kar na dekho

mere sath tum bhi ho ruswaiyon mein