Today's top 5 Urdu Shayari

har vaqt kā hañsnā tujhe barbād na kar de

tanhā.ī ke lamhoñ meñ kabhī ro bhī liyā kar

har waqt ka hansna tujhe barbaad na kar de

tanhai ke lamhon mein kabhi ro bhi liya kar

jis samt kī havā hai usī samt chal paḌeñ

jab kuchh na ho sakā to yahī faisla kiyā

jis samt ki hawa hai usi samt chal paDen

jab kuchh na ho saka to yahi faisla kiya

andar kī duniyā se rabt baḌhāo 'ānis'

bāhar khulne vaalī khiḌkī band paḌī hai

andar ki duniya se rabt baDhao 'anis'

bahar khulne wali khiDki band paDi hai

saaf aatā hai nazar anjām har āġhāz kā

zindagānī maut kī tamhīd hai mere liye

saf aata hai nazar anjam har aaghaz ka

zindagani maut ki tamhid hai mere liye

ye aarzū bhī baḌī chiiz hai magar hamdam

visāl-e-yār faqat aarzū kī baat nahīñ

ye aarzu bhi baDi chiz hai magar hamdam

visal-e-yar faqat aarzu ki baat nahin