Today's top 5 Urdu Shayari

duniyā badal ga.ī thī koī ġham na thā mujhe

tum bhī badal ga.e the ye hairānī khā ga.ī

duniya badal gai thi koi gham na tha mujhe

tum bhi badal gae the ye hairani kha gai

dukh udāsī malāl ġham ke sivā

aur bhī hai koī makān meñ kyā

dukh udasi malal gham ke siwa

aur bhi hai koi makan mein kya

shadīd dhuup meñ saare daraḳht suukh ga.e

bas ik duā kā shajar thā jo be-samar na huā

shadid dhup mein sare daraKHt sukh gae

bas ek dua ka shajar tha jo be-samar na hua

terī sūrat terī chāhat yādeñ sab

chhoTe se is dil meñ kyā kyā rakkhūñgā

teri surat teri chahat yaaden sab

chhoTe se is dil mein kya kya rakkhunga

rishtoñ kā e'tibār vafāoñ kā intizār

ham bhī charāġh le ke havāoñ meñ aa.e haiñ

rishton ka e'tibar wafaon ka intizar

hum bhi charagh le ke hawaon mein aae hain