ٹاپ 5 اردو شاعری| ریختہ

اچھی قسمت اچھا موسم اچھے لوگ

پھر بھی دل گھبرا جاتا ہے بعض اوقات

منظر نقوی

بچے میری انگلی تھامے دھیرے دھیرے چلتے تھے

پھر وہ آگے دوڑ گئے میں تنہا پیچھے چھوٹ گیا

خالد محمود

ہم کو پہلے بھی نہ ملنے کی شکایت کب تھی

اب جو ہے ترک مراسم کا بہانہ ہم سے

ساجد امجد

کیا مجھ عشق نے ظالم کوں آب آہستہ آہستہ

کہ آتش گل کوں کرتی ہے گلاب آہستہ آہستہ

ولی محمد ولی

تم گئے رونق بہار گئی

تم نہ جاؤ بہار کے دن ہیں

ساغر صدیقی

آج کے منتخب ۵ شعر