Today's top 5 Urdu Shayari

maanā ki terī diid ke qābil nahīñ huuñ maiñ

tū merā shauq dekh mirā intizār dekh

mana ki teri did ke qabil nahin hun main

tu mera shauq dekh mera intizar dekh

yaad rakhnā hī mohabbat meñ nahīñ hai sab kuchh

bhuul jaanā bhī baḌī baat huā kartī hai

yaad rakhna hi mohabbat mein nahin hai sab kuchh

bhul jaana bhi baDi baat hua karti hai

jaise bārish se dhule sehn-e-gulistāñ 'amjad'

aañkh jab ḳhushk huī aur bhī chehrā chamkā

jaise barish se dhule sehn-e-gulistan 'amjad'

aankh jab KHushk hui aur bhi chehra chamka

kabhī ye ġhalat kabhī vo ġhalat kabhī sab ġhalat

ye ḳhayāl-e-puḳhta jo ḳhaam the mujhe khā ga.e

kabhi ye ghalat kabhi wo ghalat kabhi sab ghalat

ye KHayal-e-puKHta jo KHam the mujhe kha gae

kahāñ sar chhupā.eñ patā hī nahīñ

ki girne lagī ghar kī dīvār ab

kahan sar chhupaen pata hi nahin

ki girne lagi ghar ki diwar ab