Today's top 5 Urdu Shayari

liye phirā jo mujhe dar-ba-dar zamāne meñ

ḳhayāl tujh ko dil-e-be-qarār kis kā thā

liye phira jo mujhe dar-ba-dar zamane mein

KHayal tujh ko dil-e-be-qarar kis ka tha

gulshan-e-dahr se ḳhushbū kī tarah guzrā maiñ

sab ko mahkāyā magar apnī numā.ish nahīñ kī

gulshan-e-dahr se KHushbu ki tarah guzra main

sab ko mahkaya magar apni numaish nahin ki

vaqt ḳhush ḳhush kāTne kā mashvara dete hue

ro paḌā vo aap mujh ko hausla dete hue

waqt KHush KHush kaTne ka mashwara dete hue

ro paDa wo aap mujh ko hausla dete hue

ham ne dekhā hai zamāne kā badalnā lekin

un ke badle hue tevar nahīñ dekhe jaate

hum ne dekha hai zamane ka badalna lekin

un ke badle hue tewar nahin dekhe jate

maiñ sote sote ka.ī baar chauñk chauñk paḌā

tamām raat tire pahluoñ se aañch aa.ī

main sote sote kai bar chaunk chaunk paDa

tamam raat tere pahluon se aanch aai