Today's top 5 Urdu Shayari

utnī der sameTūñ saare dukh tere

jitnī der ai dost bikhar nahīñ jaatā maiñ

utni der sameTun sare dukh tere

jitni der ai dost bikhar nahin jata main

chāhiye achchhoñ ko jitnā chāhiye

ye agar chāheñ to phir kyā chāhiye

chahiye achchhon ko jitna chahiye

ye agar chahen to phir kya chahiye

kuchh vaqt chāhte the ki socheñ tire liye

tū ne vo vaqt ham ko zamāne nahīñ diyā

kuchh waqt chahte the ki sochen tere liye

tu ne wo waqt hum ko zamane nahin diya

ek din ġharq na kar de tujhe ye sail-e-vajūd

dekh ho jaa.e na paanī kahīñ sar se ūñchā

ek din gharq na kar de tujhe ye sail-e-wajud

dekh ho jae na pani kahin sar se uncha

sab ḳhvāhisheñ puurī hoñ 'farāz' aisā nahīñ hai

jaise ka.ī ash.ār mukammal nahīñ hote

sab KHwahishen puri hon 'faraaz' aisa nahin hai

jaise kai ashaar mukammal nahin hote