aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

aisa hai ki sab KHwab musalsal nahin hote

Ahmad Faraz

aisa hai ki sab KHwab musalsal nahin hote

Ahmad Faraz

MORE BYAhmad Faraz

    aisā hai ki sab ḳhvāb musalsal nahīñ hote

    jo aaj to hote haiñ magar kal nahīñ hote

    andar fazāoñ ke karishme bhī ajab haiñ

    meñh TuuT ke barse bhī to bādal nahīñ hote

    kuchh mushkileñ aisī haiñ ki āsāñ nahīñ hotīñ

    kuchh aise muamme haiñ kabhī hal nahīñ hote

    shā.istagī-e-ġham ke sabab āñkhoñ ke sahrā

    namnāk to ho jaate haiñ jal-thal nahīñ hote

    kaise talātum hoñ magar qulzum-e-jāñ meñ

    kuchh yād-jazīre haiñ ki ojhal nahīñ hote

    ushshāq ke mānind ka.ī ahl-e-havas bhī

    pāgal to nazar aate haiñ pāgal nahīñ hote

    sab ḳhvāhisheñ puurī hoñ 'farāz' aisā nahīñ hai

    jaise ka.ī ash.ār mukammal nahīñ hote

    aisa hai ki sab KHwab musalsal nahin hote

    jo aaj to hote hain magar kal nahin hote

    andar ki fazaon ke karishme bhi ajab hain

    meinh TuT ke barse bhi to baadal nahin hote

    kuchh mushkilen aisi hain ki aasan nahin hotin

    kuchh aise muamme hain kabhi hal nahin hote

    shaistagi-e-gham ke sabab aankhon ke sahra

    namnak to ho jate hain jal-thal nahin hote

    kaise hi talatum hon magar qulzum-e-jaan mein

    kuchh yaad-jazire hain ki ojhal nahin hote

    ushshaq ke manind kai ahl-e-hawas bhi

    pagal to nazar aate hain pagal nahin hote

    sab KHwahishen puri hon 'faraaz' aisa nahin hai

    jaise kai ashaar mukammal nahin hote

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now