ٹاپ 5 اردو شاعری| ریختہ

ہر آدمی میں ہوتے ہیں دس بیس آدمی

جس کو بھی دیکھنا ہو کئی بار دیکھنا

ندا فاضلی

ہمیں بھی آج ہی کرنا تھا انتظار اس کا

اسے بھی آج ہی سب وعدے بھول جانے تھے

آشفتہ چنگیزی

بیٹھتے جب ہیں کھلونے وہ بنانے کے لیے

ان سے بن جاتے ہیں ہتھیار یہ قصہ کیا ہے

ہستی مل ہستی

خوابوں پر اختیار نہ یادوں پہ زور ہے

کب زندگی گزاری ہے اپنے حساب میں

فاطمہ حسن

ختم ہونے دے مرے ساتھ ہی اپنا بھی وجود

تو بھی اک نقش خرابے کا ہے مر جا مجھ میں

مصور سبزواری

آج کے منتخب ۵ شعر