Today's top 5 Urdu Shayari

ab ye aalam hai ki ġham kī bhī ḳhabar hotī nahīñ

ashk bah jaate haiñ lekin aañkh tar hotī nahīñ

ab ye aalam hai ki gham ki bhi KHabar hoti nahin

ashk bah jate hain lekin aankh tar hoti nahin

malāmatoñ se junūñ meñ na kuchh kamī aa.ī

jarāhatoñ se baḌhī zaḳhm-e-dil kī ra.anā.ī

malamaton se junun mein na kuchh kami aai

jarahaton se baDhi zaKHm-e-dil ki ranai

tum ne hañste mujhe dekhā hai tumheñ kyā ma.alūm

karnī paḌtī hai adā kitnī hañsī kī qīmat

tum ne hanste mujhe dekha hai tumhein kya malum

karni paDti hai ada kitni hansi ki qimat

kabhī duniyā ke andar kuchh nazar aatā nahīñ mujh ko

kabhī apne hī andar ek duniyā dekh letī huuñ

kabhi duniya ke andar kuchh nazar aata nahin mujh ko

kabhi apne hi andar ek duniya dekh leti hun

ye ilm kā saudā ye risāle ye kitābeñ

ik shaḳhs kī yādoñ ko bhulāne ke liye haiñ

ye ilm ka sauda ye risale ye kitaben

ek shaKHs ki yaadon ko bhulane ke liye hain