ٹاپ 5 اردو شاعری| ریختہ

اب یہ عالم ہے کہ غم کی بھی خبر ہوتی نہیں

اشک بہہ جاتے ہیں لیکن آنکھ تر ہوتی نہیں

قابل اجمیری

ملامتوں سے جنوں میں نہ کچھ کمی آئی

جراحتوں سے بڑھی زخم دل کی رعنائی

پیام فتحپوری

تم نے ہنستے مجھے دیکھا ہے تمہیں کیا معلوم

کرنی پڑتی ہے ادا کتنی ہنسی کی قیمت

رئیس رامپوری

کبھی دنیا کے اندر کچھ نظر آتا نہیں مجھ کو

کبھی اپنے ہی اندر ایک دنیا دیکھ لیتی ہوں

نجمہ تصدق

یہ علم کا سودا یہ رسالے یہ کتابیں

اک شخص کی یادوں کو بھلانے کے لیے ہیں

جاں نثاراختر

آج کے منتخب ۵ شعر