آج کے منتخب ۵ شعر

وعدے کا اعتبار تو ہے واقعی مجھے

یہ اور بات ہے کہ ہنسی آ گئی مجھے

یہ زندگی جو پکارے تو شک سا ہوتا ہے

کہیں ابھی تو مجھے خود کشی نہیں کرنی

گلشن کی فقط پھولوں سے نہیں کانٹوں سے بھی زینت ہوتی ہے

جینے کے لئے اس دنیا میں غم کی بھی ضرورت ہوتی ہے

وہی شاگرد پھر ہو جاتے ہیں استاد اے جوہرؔ

جو اپنے جان و دل سے خدمت استاد کرتے ہیں

اک منظر میں اک دھندلے سے عکس میں چھپ کے رو لیں

ہم کس خواب میں آنکھیں موندیں کس میں آنکھیں کھولیں