ٹاپ 5 اردو شاعری| ریختہ

عمر بھر رہنا ہے تعبیر سے گر دور تمہیں

پھر مرے خواب میں آنے کی ضرورت کیا ہے

ندیم گلانی

توڑا ہے دم ابھی ابھی بیمار ہجر نے

آئے مگر حضور کو تاخیر ہو گئی

جگت موہن لال رواں

ہوئی تھی اک خطا سرزد سو اس کو مدتیں گزریں

مگر اب تک مرے دل سے پشیمانی نہیں جاتی

جگدیش سہائے سکسینہ

میں بھی کچھ خوش نہیں وفا کر کے

تم نے اچھا کیا نباہ نہ کی

مومن خاں مومن

اب مجھ کو اہتمام سے کیجے سپرد خاک

اکتا چکا ہوں جسم کا ملبہ اٹھا کے میں

دلاور علی آزر

آج کے منتخب ۵ شعر