Today's top 5 Urdu Shayari

yā guftugū ho un lab-o-ruḳhsār-o-zulf kī

yā un ḳhamosh nazroñ ke lutf-e-suḳhan kī baat

ya guftugu ho un lab-o-ruKHsar-o-zulf ki

ya un KHamosh nazron ke lutf-e-suKHan ki baat

mohabbat soz bhī hai saaz bhī hai

ḳhamoshī bhī hai ye āvāz bhī hai

mohabbat soz bhi hai saz bhi hai

KHamoshi bhi hai ye aawaz bhi hai

kisī kā ahd-e-javānī meñ pārsā honā

qasam ḳhudā kī ye tauhīn hai javānī kī

kisi ka ahd-e-jawani mein parsa hona

qasam KHuda ki ye tauhin hai jawani ki

nā-umīdī maut se kahtī hai apnā kaam kar

aas kahtī hai Thahar ḳhat kā javāb aane ko hai

na-umidi maut se kahti hai apna kaam kar

aas kahti hai Thahar KHat ka jawab aane ko hai

mirī jagah koī ā.īna rakh liyā hotā

na jaane tere tamāshe meñ merā kaam hai kyā

meri jagah koi aaina rakh liya hota

na jaane tere tamashe mein mera kaam hai kya