Today's top 5 Urdu Shayari

is daur kī taḳhlīq bhī kyā shīshagarī hai

har ā.īne meñ aadmī ulTā nazar aa.e

is daur ki taKHliq bhi kya shishagari hai

har aaine mein aadmi ulTa nazar aae

ai dopahar kī dhuup batā kyā javāb duuñ

dīvār pūchhtī hai ki saaya kidhar gayā

ai dopahar ki dhup bata kya jawab dun

diwar puchhti hai ki saya kidhar gaya

batā ai abr musāvāt kyuuñ nahīñ kartā

hamāre gaañv meñ barsāt kyuuñ nahīñ kartā

bata ai abr musawat kyun nahin karta

hamare ganw mein barsat kyun nahin karta

jis ahd meñ luT jaa.e faqīroñ kī kamā.ī

us ahd ke sultān se kuchh bhuul huī hai

jis ahd mein luT jae faqiron ki kamai

us ahd ke sultan se kuchh bhul hui hai

vo maah jalva dikhā kar hameñ huā rū-posh

ye aarzū hai ki nikle kahīñ dobārā chāñd

wo mah jalwa dikha kar hamein hua ru-posh

ye aarzu hai ki nikle kahin dobara chand